„ნაციონალური მოძრაობა“ სოციალურად დაუცველი მოსახლეობისთვის გაცემული დახმარების შესახებ ინფორმაციის გასაჯაროებას მოითხოვს. პარტიის ერთ-ერთი ლიდერის ზურაბ ჭიაბერაშვილის ინფორმაციის, მის ხელთ არსებული მონაცემებით სოციალური დახმარება 100 ათასზე მეტ ადამიანს შეუწყდა.

„როდესაც ივანიშვილმა და ღარიბაშვილმა ხელისუფლება გადაიბარეს სოციალურად დაუცველთა ბაზაში 450 ათასი ადამიანი იყო, ვინც ფულად დახმარებას იღებდა. იმის გამო, რომ ბიუჯეტიდან ფული არ ჰყოფნით მთავრობამ, ჩვენი მონაცემებით 100 ათასზე მეტი ადამიანი ამოიღო სოციალურად დაუცველთა ბაზიდან და შეუწყვიტა ფულადი დახმარება“, - განაცხადა ჭიაბერაშვილმა.