„ნაციონალური მოძრაობის“ წევრის ხათუნა გოგორიშვილის ინფორმაციით, მარნეულის გამგებლობის კანდიდატის რეგისტრაციიდან მოხსნა მას პარლამენტის თავმჯდომარემ სთხოვა. როგორც „კურიერში“ სტუმრობისას გოგორიშვილმა განაცხადა, აღნიშნულ საკითხზე დავით უსუფაშვილთან შხევედრა მას 12 მაისს ჰქონდა.

„რამდენიმე დღის წინ ვთქვი, რომ ამ ფაქტის შესახებ აუცილებლად განვაცხადებდი ხმამაღლა, თუ სიტუაცია დაიძაბებოდა და ასეც ვიქცევი. დღევანდელ ფაქტს რომ არ ჰქონოდა ადგილი, მე ნამდვილად შევიკავედი თავს ამ განცხადებისგან, მაგრამ იძულებული ვარ, ყველას საჯაროდ განვუცხადო, რომ მე – ხათუნა გოგორიშვილს მიმდინარე წლის 12 მაისს მქონდა შეხვედრა პარლამენტის თავმჯდომარესთან თბილისში, იუსტიციის ახლში, მან გადმომცა მთავრობის დანაბარები, ხომ არ ვიფიქრებდით, მოგვეხსნა მარნეულში კანდიდატურა და არ ეყარა ჩვენს კანდიდატს კენჭი. მან ეს ახსნა იმით, რომ ზუსტად იცოდნენ, როგორი მხარდაჭერა აქვს და რამდენად ძლიერია ჩვენი კანდიდატი. მას შემდეგ, რაც უარი მიიღო, დასრულდა ჩვენი შეხვედრა“,- განაცხადა ხათუნა გოგორიშვილმა.

"ნაციონალური მოძრაობის“ მარნეულის გამგებლობის კანდიდატი ახმედ იმამკულიევი რეგისტრაციიდან მოხსნილია