„ჩეხეთი მზად არის საქართველოს ევროკავშირთან ასოცირების ხელშკრულების ხელმოწერის გზაზე დახმარება გაუწიოს“ , - ამის შესახებ ჩეხეთის საგარეო საქმეთა მინისტრმა ლუბომირ ზაორალეკმა „საზოგადოებრივ მაუწყებელთან“ მიცემულ ინტერვიუში განაცხადა.

ზაორალეკმა იმ უპირატესობებზე ისაუბრა, რაც საქართველოს ასოცირების ხელშკრულების ხელმოწერის შემდეგ ექნება.

„თქვენ ჯერ ხელს მოაწერთ ასოცირების ხელშეკრულებას. ეს არის დასაწყირი გაწევრიანების მთელი პროცესის. ხელმოწერას მოჰყვება იმპლემენტაციის პროცესი და ბევრი რამ იქნება გასაკეთებელი. მაგალითად სასამართლო სისტემაში, ეკონომიკაში, ანუ თქვენი ცხოვრების არა ერთ სფეროში. ძალიან მნიშვნელოვანია თუ როგორ გაართმევთ ამ ყველაფერს თავს. მთავარი აქ არის ხარისხი. თავისუფალი ვაჭრობის შესახებ ხელშეკრულება თქვენთვის გახსნის ახალ ბაზარს ევოპაში. თუმცა მეორეს მხრივ ეს მოითხოვს რეფორმებს. საქმე არის არა მხოლოდ გაწევრიანების დაჩაქრების პროცესში, არამედ იმაში თუ როგორ შეძლებთ თავი გაართვათ ხარისხის ამაღლების პროცესს. ჩეხეთი მზად არის ყველაფერ ამაში დახმარება გაგიწიოთ. მსურს დაგარწმუნოთ, რომ საქართველოს მომავალს ვხედავთ ევროპულ ოჯახში“, - განაცხადა ზაორალეკმა.

მისი თქმით, ევროკავშირთან ასოცირების ხელშეკრულების ხელმოწერის შემდეგ საქართველოს ეძლევა შანსი შექმნას ძლიერი ეკონომიკა.

„ამ გზაზე გარკვეული რისკებია, მაგრამ მეორეს მხრივ დიდი უპირატესობებია. თქვენ გახდებით უფრო მიმზიდველი ქვეყანა, თქვენ გახდებით დიდი ევროპული ბაზრის ნაწილი. იქნება მეტი დაინტერესება საქართველოში ინვესტიციების ჩადების კუთხით. ეს იქნება თქვენი ქვეყნის მოდერნიზაციის და სტაბილურობის პროცესი. ამიტომ ასოცირების ხელშეკრულების ხელმოწერა მნიშვნელოვანია არა მხოლოდ საბოლოოდ გაწევრიანების კუთხით, არამედ იმ ზგითაც თუ როგორ მიიწევთ წინ. ევროპა გაძლევთ შანსს გააკეთოთ არჩევანი და შემქმნათ ძლიერი ეკონომიკა“, - განაცხადა ზაორალეკმა.