მარნეულში რამდენიმე წუთის წინ საოლქო კომისიის თავჯდომარესთან სამუშაო ოთახში „ნაციონალური მოძრაობის“ ლიდერები შევიდნენ. გიგი უგულავა, ირმა ნადირაშვილი, ნუგზარ წიკლაური და უმცირესობის სხვა ლიდერები კომისიის თავჯდომარისგან მოითხოვდნენ განმარტებას თუ რატომ აპირებდნენ კულიევის კანდიდატურის მოხსნას. ადგილზე მოხდა სიტყვიერი შელაპარაკებაც. უგულავამ ცესკოს წარმომადგენელი ხელისუფლების სასარგებლო მიდგომაში დაადანაშაულა. ამ დრომდე კომისიის შენობას საპარლამენტო უმცირესობის ასამდე აქტივისტი რჩება, რომელიც გადაწყვეტილებას ელოდება.