საქართველოს პრეზიდენტი მარიხუანას დეკრიმინალიზაციის საკითხს ეხმაურება. გიორგი მარგველაშვილი მიიჩნევს, რომ დანაშაულის მიმართ, რომელიც ძალადობას არ შეიცავს, უფრო ჰუმანური დამოკიდებულება უნდა იყოს.

"ჩემი აზრით, დანაშაულის მიმართ, რომელიც არ შეიცავს ძალადობას, უნდა იყოს უფრო ჰუმანური დამოკიდებულება. დანაშაული, რომელიც არ არის ორიენტირებული სხვა ადამიანის ჩაგვრაზე, ძალადობაზე... გლობალურად უფრო ჰუმანური და ლმობიერი უნდა გახდეს ჩვენი საზოგადოება. საერთოდ, მინდა, რომ ჰუმანური და ლმობიერი გახდეს ჩვენი საზოგადოება", - განაცხადა გიორგი მარგველაშვილმა.