ექსპერტი ხათუნა ლაგაზიძე ახალი ხელისუფლების პირობებში მისი ერთ-ერთი ინტერვიუს დაბლოკვის შესახებ წერს და მედიაში ხელისუფლების ირიბ გავლენაზე მიანიშნებს. ექსპერტი ხელისუფლებას ურჩევს, ინტერვიუს დაბლოკვის ნაცვლად, პრობლემების მოგვარებაზე იზრუნოს:

,,ახალი ხელისუფლების პირობებში ჩემი პირველი ინტერვიუ დაიბლოკა ჩემთვის ფრიად ინფორმაციულ და აქტუალურ გაზეთში რომელზეც, როგორც ამბობენ, ხელისუფლების ირიბი გავლენები არცთუ იშვიათია. აფერუმ, თავისუფალი სიტყვის "მარწუხებისგან დამხსნელო" ახალო ხელისუფლებავ!

ინტერვიუ ხელისუფლებას აფრთხილებდა, რომ 1. კრიმინალის დონის ზრდის პარალელურად საზოგადოებაში შეიძლება "ნაციონალების" მიმართ ნოსტალგია გაჩნდეს; 2. სახელისუფლო პარტია ანუ "ოცნება", რომელსაც აშკარად ეშინია ავტორიტეტული სახეების პარტიაში ან სულაც საარჩევნო სიებში შეყვანის, ამით გაურბის პროგრესს. ხოლო თუ ცოცხალი ორგანიზმი, იგივე სტრუქტურა თუ განვითარებაზე ორიენტირებული არ არის, ის მალე იშლება და ქრება. ნუ, იმაზეც იყო საუბარი რომ დასავლური იდეა ქვეყანაში გადარჩენას საჭიროებს. და ზოგადად, ამა თუ იმ სახელისუფლო თუ არასახელისუფლო ლიდერების პერსპექტივებზე.

ისე არ დაგემართოთ, ჭირმა თავი მალა, მალა და ვერ დამალაო. დაბლოკვას გირჩევნიათ, ის პრობლემები აღმოფხვრათ, რომელზე გამოძახილადაც შემდეგ ასეთი ინტრვიუები ჩნდება. ისე საინტერესოა, ინტერვიუს დაბლოკვიდან ბიზნესის ტერორამდე რამდენი ნაბიჯია?!“, - წერს ხათუნა ლაგაზიძე ,,ფეისბუქის“ გვერდზე.