საქართველოს ექსპრეზიდენტი მიხეილ სააკაშვილი აშშ-ს პრეზიდენტის ბარაკ ობამას განცხადებას გამოეხმაურა.

სააკაშვილის თქმით, ყველაფერს გააკეთებს, რათა საქართველომ ხელიდან არ გაუშვას ის უნიკალური შანსი რაც ახლა აქვს.

"პრეზიდენტ ობამას განცხადება იყო ძალიან მნიშვნელოვანი საქართველოსთვის სამხედრო დახმარების შესახებ, მე გუშინაც ვესაუბრე მას იმაზე, რომ ჩვენს ქვეყნას ახლა ისე, როგორც არასდროს სჭირდება გვერდზე დგომა, თან არსებობს სტარტეგიული ურთიერთობის შესახებ შეთანხმება, რომელსაც თავის დროზე ხელი მოვაწერეთ აშშ-თან კონდოლიზა რაისმა და გია ვაშაძემ, ასევე ის შეთანხმება, რომელსაც მივაღწიეთ 2012 წელს იანვარში, თეთრ სახლში, ჩემი ვიზიტის დროს, რომ ამერიკა მისცემს საქართველოს შეიარაღებას, მაგრამ ისეთი უნიკალური გეოპოლიტიკური სიტუაცია, როგორიც ახლაა უკრაინის გამო, როცა ყველამ გამოიღვიძა და ყველას უნდა რაღაცის გაკეთება, არასდროს არ ჰქონია საქართველოს, ახლა როგორც არასდროს ისე უნდა გავანძრიოთ ხელი, რომ არ გაგვქცეს ხელიდან ეს შანსი, რომ არ გავუშვათ ხელიდან, ახლა მართლა უნიკალური შემთხვევა. მე პირადად ყველაფერს გავაკეთებ და მოვივლი მთელს მსოფლიოს, რომ როგორმე საქართველომ ეს შანსი არ გაუშვას ხელიდან“,- განცხადა მიხეილ სააკაშვილმა.