საქართველო ისევ მოხვდა საეჭვო თამაშების სიაში. აზარტული თამაშების მაკონტროლებელმა ორგანიზაციამ 2014 წლის სეზონში 460-მდე მატჩი საეჭვოდ ჩათვალა.

საეჭვო თამაშებთან დაკავშირებით „ნიუპოსტი“ ფეხბურთის ფედერაციას დაუკავშირდა.

„ჩემპიონატი დასრულებულია, ახლა მატჩები არ მიმდინარეობს. მიმდინარე, რაც იყო ამაზე ფეხბურთის ფედერაციამ უკვე გააკეთა განცხადება დაახლოებით თვენახევრის წინ. ბოლო სამი წლის განმავლობაში საეჭვო თამაშებში შემჩნეული გუნდები, ფედერაციამ უკვე დასაჯა და კონკრეტული ჯარიმებიც დაუწესა.

მომავალი სეზონი იწყება აგვისტოში, შესაბამისად თუ საუბარია ზოგადად ჩაწყობილ თამაშებზე, უეფა ყოველთვის მკაცრია და თუ უეფამ თავის რეპორტში მოახვედრა საქართველოც, აქ არაფერი გასაკვირი არ არის იმიტომ, რომ ფეხბურთის ფედერაციამ ასევე უეფასგან მიიღო თავის დროზე ეს ინფორმაცია და ფედრეაციამ თავის დროზე, უკვე მოახდინა რეაგირება,“,-აცხადებენ ფეხბურთის ფედერაციის პრესამსახურში.