ჩეჩნეთის მთავრობის პრეს-სამსახურის ინფორმაციით, რამზან კადიროვი, რომელიც ჩეჩნეთში რუსეთის მიერ ხელდასმული ხელმძღვანელია„სიკეთის ორდენით“ დააჯილდოვდა.

კადიროვს ჯილდო ეროვნულმა ფონდმა „საზოგადოებრივმა აღიარებამ“ სიკეთისა და ადამიანობისთვის გადასცა.

ფონდმა კადიროვის მიერ ბავშვების სოციალური და სულიერი მხარდაჭერა, სამშობლოს დაცვის დროს დაღუპულთა ქვრივებისა და სამამულო ომის ვეტერანების მხარდაჭერა აღნიშნა და მის აქტიურ და მაღალზნეობრივ სამოქალაქო პოზიციას გაუსვა ხაზი.

„მრავალი წლის მანძილზე ფონდი იმ ადამიანების შრომას აღნიშნავს, ვინც ყოველდღიურად საკუთარ სიცოცხლესა და ჯანმრთელობას რისკის ქვეშ აყენებს, წესრიგის სადარაჯოზე დგას და დანაშაულისა და ტერორიზმის წინააღმდეგ ბრძოლას აწარმოებს“,- განაცხადა ფონდის ვიცე-პრეზიდენტმა პაველ აბაკუმოვმა.