„ირაკლი ღარიბაშვილის შს მინისტრობის პერიოდში მის მოადგილეზე, ალექსანდრე ტაბატაძეზე 5 თვეში 76 740 ლარია გაცემული“, - ამის შესახებ „ნაციონალური მოძრაობის“ წევრმა ირმა ნადირაშვილმა განაცხადა.

დღევანდელ ბრიფინგზე ნადირაშვილმა მედიას შს სამინისტროდან მოწოდებული დოკუმენტი გააცნო.

„5 თვეში ალექსანდრე ტაბატაძეზე გაცემულია 76 740 ლარი ეს არის ხელფასიც და პრემიაც, არის თვეები როდესაც მას აღებული აქვს ერთ თვეში ხელფასის გარდა 22 000 ლარი პრემია, 9 000 ლარი პრემია, რომელიც ეხება პერიოდს, როდესაც შინაგან საქმეთა მინისტრი იყო ირაკლი ღარიბაშვილი, ჩვენ ველოდებით პასუხის ირაკლი ღარიბაშვილისგან რა დამსახურებისთვის მიიღო ალექსანდრე ტაბატაძემ ასეთი მაღალი ხელფასები და პრემიები. კრიმინალის შემცირებისთვის ალბათ ამას ვერ გააკეთებდნენ“,-აცხადებს ნადირაშვილი.