საიას თავჯდომარე კახა კოჟორიძე პრემიერ-მინისტრის მიერ ფარულ მიყურადებასთან დაკავშირებით, გაკეთებულ განცხადებას ეხმაურება.

კოჟორიძე მიიჩნევს, რომ პრემიერის ეს მიდგომა შესაძლოა აღქმული იყოს, როგორც მწვანე შუქი უკანონო მიყურადების დროს.

„ჩვენ არ ვამბობთ იმას, რომ პრემიერი გულისხმობს უკანონო მეთოდების გამოყენებას იმისთვის, რომ არ დაუშვას ოპონენტების გამარჯვება. აუცილებელია იმაზე ფიქრი, როგორ აღიქვამენ პრემიერის ამ წინადადებას რიგითი თანადებობის პირები რეგიონებში, პოლიციელები, ადგილობრივი თვითმმართველობების წარმომადგენლები. მათ შეიძლება ესეთი აღქმა გაუჩნდეთ, რომ ეს არის მწვალნე შუქი მათ შორის უკანონოდ მიყურადების დროს“,- განაცხადა კოჟორიძემ.

ირაკლი ღარიბაშვილის განცხადებით, საქართველოში მოსმენების პრაქტიკა დასრულებულია.

„მოსმენების თემა ჩვენი ქვეყნის ლოკალური თემა არ არის, მსოფლიოში ყოველთვის სკანდალებია ამ თემის ირგვლივ, ეს არის თემა, რომელიც აქტივობას არ კარგავს, დღეს მოსმენები გახდა, ძალიან მარტივი. თუნდაც ის ფაქტი, რომ მობილურ ოპერატორებს აქვთ საშუალება მოუსმინონ საკუთარ აბონენტებს ამას ვერ შევეწინააღდმეგებით, ამის საშუალება არსებობს და მას სჭირდება მოწესრიგება. კანონიერად რა თქმა უნდა ვუსმენთ და მოსვუსმენთ კიდეც. მე ვიყავი პირველი ინციატორი, რომელმაც გაანადგურა ასობით ათასობით ვიდეოფაილები. ამ ვიდეოფაილებში ძალიან ბევრი ცნობილი და სხვადასხვა პროფესიის ადამიანები აღმოაჩინეს. ჩვენ ვთქვით, რომ უარს ვამბობთ აღნიშნულ პრაქტიკაზე, ეს იყო ამაზრზენი და ამას აღარასდროს აღარ გავიმეორებთ", - განაცხადა ირაკლი ღარიბაშვილმა.