საქართველოს პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე აცხადებს, რომ რუსეთი ასოცირების ხელშეკრულების ხელმოწერის საკითხში სავარაუდოდ ხელისშემშლელი ფაქტორი არ გახდება:

“ხელს მოვაწერთ ასოცირების ხელშეკრულებას ისე, რომ დიდი ალბათობით რუსეთი არ იქნება ხელის შემშლელი ფაქტორი. რამდენიმე თვის წინ ეს არავის არ სჯეროდა, მაგრამ ეს ალბათ ასე იქნება და ეს იქნება ჩვენი საგარეო პოლიტიკის ძალიან დიდი წარმატება, ნახეთ რა ხდება უკრაინაში, ეს ხომ იყო დაკავშირებული ამ პროცესთან, ევროპულ პროექტთან, ჩვენ შევძელით ის, რომ ვახორციელებთ ამ პროექტს. სწორი მიმაჩნია მე ასეთი მიდგომა, რომ შევხედოთ როგორ განვითარდება მოვლენები, ინფორმაციის ნაკლებობა არის ჩვენშიც, ჩვენი დასავლელი პარტნიორები ყურადღებით ადევნებენ თვალყურს, ასე რომ უნდა დავაკვირდეთ, როგორ განვითარდება მოველენბი“, - განაცხადა ზურაბ აბაშიძემ.