„ნატო საქართველოს ალიანში ინტეგრაციისთვის აუცილებელი კრიტერიუმების დაკმაყოფილებაში დაეხმარება“, - განცხადება ბრიუსელში ნატოს მინისტერიალის ფარგლებში, ნატო-საქართველოს კომისიის სხდომაზე ალიანსის გენერალურმა მდივანმა გააკეთა.

რასმუსენმა კიდევ ერთხელ დაადასტურა, რომ ბუქარესტის სამიტზე მიღებული გადაწყვეტილება ძალაშია და საქართველო აუცილებლად გახდება ნატოს წევრი.

მან ასევე იმედი გამოთქვა, რომ უელსის სამიტზე საქართველოს მიღწევები აუცილებლად აღინიშნება.

„ჩვენ განვაგრძობთ მაღალ დონეზე დიალოგს საქართველოსთან უსაფრთხოების კონტექსტში, რომელიც გამოიწვია უკრაინის წინააღმდეგ აგრესიის შედეგებმა, გავლენა იქონია საქართველოზე, რეგიონსა და ნატოზე, ნატოს წევრები არ ეთანხმებიან რუსეთის მიერ ყირიმის ანექსიას. ისევე, როგორც ჩვენ არ ვეთანხმებით რუსეთის მიერ „სამხრეთ ოსეთისა“ და აფხაზეთის დამოუკიდებელ სახელმწიფოებად აღიარებას, ჩვენ განვაგრძობთ საქართველოსთან აქტიურ დიალოგს, სახეზე გვაქვს დიდი პროგრესი თავდაცვისა და უსაფრთხოების გამჭვირვალედ ჩამოყალიბების პროცესში, მე მსურს მკაფიოდ განვაცხადო, რომ ჩვენი გადაწყვეტილება მტკიცეა, რომელიც მიღებული იქნა 2008 წელს ბუქარესტის სამიტზე, რომ საქართველო გახდება ნატოს წევრი, ალიანსის საგარეო საქმეთა მინისტრები იმსჯელებენ საქართველოს მისწრაფებებზე თვის ბოლოს დაგეგმილ შეხვედრაზე, მე მჯერა, რომ მომდევნო სამიტზე საქართველოს მიერ მიღწეული პროგრესი აღიარებული იქნება“, - განაცხადა რასმუსენმა.