,,ნაციონალებს" ბევრი დეზინფორმაციული სააგენტოები აქვთ შექმნილი

,,ნაციონალებს" ბევრი დეზინფორმაციული სააგენტოები აქვთ შექმნილი - ღარიბაშვილი

პოლიტიკა - 14:10, 04 Jun, 2014

1567

საქართველოს პრემიერ-მინისტრი ირაკლი ღარიბაშვილი აცხადებს, რომ “ნაციონალური მოძრაობა“ ჭორებს ავრცელებს, იმის შესახებ, რომ ხელისუფლებაში დაძაბულობაა.

პრემიერის განმარტებით, აღნიშნული სიმართლეს არ შეესაბამება და „ნაციონალებს“ ნერვიულობის საბაბი არ აქვს.

ამის შესახებ საქართველოს პრემიერმა ჟურნალაისტებთან პრესკონფერენციაზე განაცხადა.

"ისინი ავრცელებენ ჭორებს და დეზინფორმაციებს. ძალიან ბევრი დეზინფორმაციული სააგენტოები აქვთ შექმნილი, რისი საშუალებითაც ხდება ამ დეზინფორმაციების გავრცელება, რათა დაძაბონ საზოგადოება, რომ რაღაც ხდება, ღარიბაშვილს გადააყენებენ, ის მოხდება, ეს მოხდება და ა.შ. არაფერი არ მოხდება. ტყუილად ნერვიულობთ. ისე გაქვთ საბაბი, რომ ინერვიულოთ. არაუშავს, ცოტა უნდა ინერვიულოთ, რადგან 9 წელი მოსახლეობა ანერვიულეთ",- განაცხადა საქართველოს პრემიერმა.

როგორც ირაკლი ღარიბაშვილმა დღევანდელ პრესკონფერენციაზე განმარტა, არ არსებობს იმის რისკი და საშიშროება, რომ მთავრობაში რაიმე ძვრები მოხდეს.

„ ყველაფერი კარგად არის. 1%-იც კი არ არსებობს იმის რისკი და საშიშროება, რომ რაიმე ძვრები მოხდეს ან მთავრობაში, ან ხელისუფლებაში. გუნდის შიგნით არის ერთსულოვნება. გუნდი არის ძალიან შეკრული. ხანდახან განსხვავებული პოზიციები ფიქსირდება, ეს ნორმალური და დემოკრატიულია. დისკუსიის შედეგად ჩვენ მივდივართ გადაწყვეტილებამდე და ვაღწევთ შეთანხმებას. ვერავინ გაბედავს რაიმე რყევებს და პრობლემებს. როგორ ფიქრობთ, ბატონმა ბიძინამ იმიტომ დაალაგა ქვეყანაში სიტუაცია, რომ ვიღაცამ რაღაც არიოს? როგორ ფიქრობთ, ვიღაცეები ფიქრობენ ამას და იგივე ბატონ ბიძინას და მე არ გვაქვს ამაზე ნაფიქრი? ჩვენ გვაქვს ყველაფერზე ნაფიქრი, გრძელვადიანი გეგმებიც გვაქვს, კარგად მოფიქრებული გეგმებიც გვაქვს და ყველაფერი ძალიან კარგად იქნება", - განაცხადა ირაკლი ღარიბაშვილმა.