„საქართველოში მარიხუანას დეკრიმინალიზაცია არ მოხდება“, - ამის შესახებ პრემიერ-მინისტრმა ჟურნალისტებთან საუბრისას განაცხადა.

ირაკლი ღარიბაშვილის განმარტებით, სახელმწიფო ამ საკითხის მიმართ ლიოალური ვერ იქნება.

„მე დარწმუნებით მინდა გითხრათ, რომ მარიხუანას დეკრიმინალიზაცია არ მოხდება! სანამ ჩვენ ვართ ხელისუფლებაში ეს არ მოხდება. თუმცა მინდა გითხრათ, რომ ამ საკითხისადმი მიდგომა შეიცვალა. არ ვიცი რატომ უნდა იყოს ამაზე სახელმწიფოს მხრიდან ლოიალური მიდგომა. ჩვენ ვართ სახელმწიფო, რომელიც ჩვენი ქვეყნის შვილებზე ზრუნავს. ჩვენ უნდა გადავწყვიტოთ, როგორი თაობა გვინდა? გვინდა ნარკომანი თაობა? მარიხუანა პირველი ეტაპია, შემდეგ არის წამალი, ჰეროინი და სხვა სახის ნარკოტიკული საშუალებები. ჩვენ ამას უნდა შევხედოთ, როგორც ნარკომანიასთან ბრძოლას“, - განაცხადა ირაკლი ღარიბაშვილმა.