„მიხეილ სააკაშვილის მთავრობას 5 პროექტში 1,5 მილიარდი ლარი აქვს გადახდილი“, - ამის შესახებ პრემიერ-მინისტრმა ჟურნალისტებთან შეხვედრის დროს განაცხადა.

მისი თქმით, დღევანდელი მთავრობის მიერ განხორციელებული ყველა პროექტი ხალხზეა ორიენტირებული.

"ყველა ის პროექტი, რომელიც ჩვენ განვახორციელეთ, იყო ხალხზე ორიენტირებული. ჩვენ არ დავიწყეთ ძვირადღირებული სასახლეების მშენებლობა, როგორც ეს ხდებოდა გასული წლების განმავლობაში. მე მინდა, კიდევ ერთხელ შევახსენო საზოგადოებას, რომ მხოლოდ 5 პროექტში - ესეც სიმბოლურია ალბათ, 5 პროექტი – 1,5 მილიარდი ლარი აქვს გადახდილი საააკშვილის მთავრობას. ეს არის რეალურად ის შენობები, რომლებიც იყო მოხმარებული მათ მიერ – ეს არის ცნობილი სასახლე, პარლამენტის შენობა, მთავრობის სახლი ქუთაისში და ა.შ., ხიდი და კიდევ ის ორი გაუგებარი შენობა, რომელიც რიყეზე აშენდა. ჩვენ უარი ვთქვით ამ გამოუყენებელ პროექტებზე და დავიწყეთ გამოსადეგი ინფრასტრუქტურული პროექტების განხორციელება", - განაცხადა ირაკლი ღარიბაშვილმა.