შვეიცარიის პრეზიდენტის ხუმრობა, რომელმაც საქართველოში არჩევნების ჩატარების ხარისხი განსაზღვრა

პოლიტიკა - 23:57, 03 Jun, 2014

2019

არავის ეპარება ეჭვი იმაში, რომ არჩევნები იქნება კიდევ უფრო მაღალი ხარისხის, ვიდრე საპრეზიდენტო არჩევნები იყო- ამის შესახებ მაია ფანჯიკიძემ ,,რუსთავი 2 -ის ეთერში, გადაცემა ",,არჩევანში"" ისაუბრა.

მაია ფანჯიკიძემ დასძინა, რომ აღნიშნულ თემაზე მან დღეს შვეიცარიის პრეზიდენტთან შეხვედრისას იხუმრა.
“შვეიცარიის პრეზიდენტთან საკმაოდ ხანგრძლივი შეხვედრა მქონდა, ის ასევე არის ეუთო-ს თავმჯდომარე ქვეყნის წარმომადგენელი და იყო საუბარი იმაზე, რომ ეუთო საქართველოში დამკვირვებლებს არ უშვებს. ამის მიზეზი ის გახლდათ, რომ ეუთომ ბიუჯეტი 22 მაისს დაამტკიცა. ეს გასაოცარია, მაგრამ ასეა და დამკვირვებლების არჩამოსვლა ამის ბრალია. მაგრამ იმაზეც ვიხუმრეთ დღეს, რომ საქართველოს დამკვირვებლები აღარ სჭირდება, რადგანაც არავის ეპარება ეჭვი იმაში, რომ არჩევნები იქნება კიდევ უფრო მაღალი ხარისხის, ვიდრე საპრეზიდენტო არჩევნები იყო. მან ნახევრად ხუმრობით (მაგრამ ამაში ძალიან დიდი სიმართლე იყო) ისიც თქვა, რომ აწი საქართველოში დამკვირვებლები იმისთვის უნდა ჩამოვიდნენ, რომ ისწავლონ როგორ ტარდება დემოკრატიული არჩევნები”, - განაცხადა ფანჯიკიძემ. მისივე თქმით, ამ არჩევნების შემდეგ საქართველოს დემოკრატიის ხარისხზე ლაპარაკი აღარ იქნება.