სააგენტო "რესის" ინფორმაციით, რუსეთმა ე.წ. სამხრეთ ოსეთს რუსეთის სატელეფონო კოდები ოფიციალურად მიანიჭა.

ე.წ. სამხრეთ ოსეთის კავშირგაბმულობის კომიტეტსა და რუსეთის მასობრივი კომუნიკაციებისა და კავშირგაბმულობის სამინისტროს შორის შეთანხმებას ხელი უკვე მოეწერა.

შეთანხმების მიხედვითი, ე.წ. სამხრეთ ოსეთის ნომრები დაიწყება კოდით – 7, ფიქსირებული კავშირის კოდი იქნება 850, მობილური კავშირისთვის – 998.

სააგენტოს ინფორმაციით, შეთანხმება მანამდე იმოქმედებს, ვიდრე ე.წ. სამხრეთ ოსეთი ელექტროკავშირის საერთაშორისო კავშირში არ გაწევრიანდება და საკუთარი საერთაშორისო კოდი არ მიენიჭება.