საქართველოსა და შვეიცარიის საგარეო საქმეთა სამინისტროებს შორის ურთიერთობის გაღრმავების შესახებ მემორანდუმი გაფორმდა. ხელშეკრულებას ხელი საქართველოში ვიზიტით მყოფმა შვეიცარიის კონფედერაციის პრეზიდენტმა დიდიე ბურკჰალტერმა და საქართველოს საგარეო საქმეთა მინისტრმა მაია ფანჯიკიძემ მოაწერეს.

"მოხარული ვარ, რომ გვავქვს შესაძლებობა მომავალში თანამშრომლობის გაღრმავების შესახებ გავაფორმოთ ხელშეკრულება. ჩვენ ვგეგმავთ ძალიან მჭიდრო კოორდინაციას მომავალში და ამ ხელმოწერით ვადასტურებთ აღნიშნულ განზრხავას. მინდა მადლობა გადავუხადო ჩემს ქართველ კოლეგას, რომ მომცა შესაძლებლობა, არა მარტო ხელშეკრულების ხელმოწერის, არამედ თქვენი ქალაქის შესანიშნავი ხედების ნახვის", - განაცახდა დიდი ბურკჰალტერმა.

მაია ფანჯიძის თქმით, ხელმოწერის ცერემონიალი ფუნიკულორზე გაიმართა იმ მიზნით, რომ სტუმარს სურდა თბილისი უკეთ ენახა.

"შეთანხმება, რომელიც დღეს გავაფორმეთ, არის საგარეო საქმეთა სამინისტროებს შორის უფრო ინტენსიური თანამშრომლობის შესახებ, რომელიც ბევრ პუნქტს გულისხმობს, მათ შორის პოლიტიკურ კონსულტაციებს", - განაცხადა მაია ფანჯიკიძემ.