გია ვოლსკის პარალელები MAP-სა და "ჩემი ცოლის დაქალის ქორწილზე"

პოლიტიკა - 15:26, 03 Jun, 2014

1754

საპარლამენტო უმრავლესობის წევრის გია ვოლსკი ანგელა მერკელის იმ განცხადებას, რომლის მიხედვითაც საქართველოსთვის MAP-ის მინიჭების საკითხი ნატო-ს მომდევნო სამიტის თემა არ იქნება.

დეპუტატს აღნიშნული საკითხი „ჩემი ცოლის დაქალის ქორწილის“ ფინალს ახსენებს.

"საზოგადოებას ვერ მოსთხოვ დეტალური ანალიზის გაკეთებას, როცა ასეთ თემებზეა საუბარი. ყველაზე ნათლად, რაც MAP-ის თემის მიმართ დამოკიდებულებას გამოხატავს, არის ფილმი, თუ არ ვცდები "ჩემი ცოლის დაქალები" – ფილმის ბოლოში ყველა ჩხუბობს, სცენიდან ვიღაც ამბობს: MAP-ი მოგვცეს, ყველა ჩერდება და ტაშს უკრავს. ეს იუმორისტულად არის გაკეთებული, მაგრამ რეალურად ასეთია დამოკიდებულება. საქართველო-ნატოს ურთიერთობების ძალიან დიდი სპექტრია – როგორც სამხედრო კომპონენტი, ასევე ეკონომიკური და რა საკვირველია, პირველ რიგში, პოლიტიკური საკითხები, რომელთა ხარისხი საკმაოდ მაღალია და ეს ხარისხი ალბათ გაიზრდება. მე ნატოსთან ურთიერთობის, თანამშრომლობის ხარისხობრივად სხვა დონეს ველი, როგორც სამხედრო, ასევე პოლიტიკურ საკითხებში. ამას შეიძლება MAP-ი არ ერქვას. რამდენიმე სერიოზულმა მოაზროვნემ ამ დარგში ურთიერთობის საკმაოდ ელასტიური, პოლიტიკურად ჩამოყალიბებული დღის წესრიგი შემოიტანა. ნატოს ურთიერთობები შიგნითაც ძალიან მრავალასპექტიანი გახდა", - განაცხადა გია ვოლსკიმ.