"ოკუპირებულ აფხაზეთსა და ცხინვალის რეგიონში მიმდინარე პროცესებში რუსეთი ძალიან ღიად და უხეშად ერევა“, - ამის შესახებ პრეზიდენტის მრჩევლმა საგარეო ურთიერთობათა საკითხებში ვანო მაჭავარიანმა განაცხადა. მისი თქმით, აღნიშნული თემა საქართველოსა და შვეიცარიის პრეზიდენტების დღევანდელ შეხვედრაზეც განიხილება.

„ოკუპირებულ აფხაზეთსა და ცხინვალის რეგიონში საკმაოდ დაძაბული ვითარებაა. ჩვენ დეტალურად ვადევნებთ თვალს იქ მიმდინარე მოვლენებს. ამის შესახებ დეტალური ინფორმაცია გვაქვს. ჩვენ ასევე ვისაუბრებთ შვეიცარიის როლზე, თუ რა თემები შეიძლება, იყოს განხილული საქართველო-რუსეთის ურთიერთოების ჭრილში. როგორც ყოველთვის, შვეიცარიას კრეატიული მიდგომები აქვს და ეს ყველაფერი შეხვედრაზე იქნება განხილული“, - განაცხადა მაჭავარიანმა.