საქართველოს ყოფილი სახელმწიფო მინისტრი ეკა ტყეშელაშვილი, გერმანიის ფედერალური კანცლერის ანგელა მერკელის იმ განცხადებას გამოეხმაურა, რომლის თანახმად, უელსის სამიტზე მაპ-ის თემა არ განიხილება.

ტყეშელაშვილის განცხადებით, ის ხელისუფლების ადგილზე ფარ-ხმალს არ დაყრიდა.

„გერმანიის ასეთი პოზიცია არახალია. მე რომ ვიყო ხელისუფლების წარმომადგენელი, ფარ-ხმალს ბოლომდე ჯერ კიდევ არ ჩამოვყრიდი, რადგან მანამ, სანამ ბოლომდე არ დადგება სამიტის მომენტი, ყოველთვის არის შანსი, რომ მიაღწიო პროგრესს, რომელსაც გინდა, მიაღწიო. როდესაც ბუქარესტის სამიტზე მივდიოდით, არც მაშინ იყო გარანტია იმისა, რომ ჩვენ მაპ-ს მივიღებდით. მაპ–ი არ გამოვიდა, მაგრამ წევრობის გარანტია გამოვიდა“,- განაცხადა ეკა ტყეშელაშვილმა.