საქართველოს პრემირმინისტრი ირაკლი ღარიბაშვილი სამუშაო ვიზტით გერმანიაში იმყოფება. ღარიბაშვილისა და მერკელის მიერ გამართულ ერთობლივ პრესკონფერენციაზე, გერმანიის კანცლერმა იმედი გამოთქვა, რომ საქართველო რუსეთთან ურთიერთობის დალაგებითაც არის დაკავებული:

"ეს არის ირაკლი ღარიბაშვილის ოფიციალური ვიზიტი გერმანიაში. ძალიან მიხარია, რომ შემიძლია მას აქ მივესალმო. ჩვენ დაწვრილებით ვისაუბრეთ საქართველო-გერმანიის ორმხრივ ურთიერობაზე. ჩვენ კარგი ორმხრივი ურთიერთობა გვაქვს. ძალიან გვიხარია, რომ საქართველო დაადგა ევროკავშირისკენ მიახლოების გზას, რაც გამოიხატება ასოცირების შესახებ ხელშეკრულების ხემოწერაში. მეორე მხრივ, ვხედავთ რომ საქართველო დაინტერესებულია ნაბიჯ-ნაბიჯ განავითაროს ურთიერთობა რუსეთთან - ამ მაგალითზეც ჩვენ ვხედავთ, რომ საქართველო ორივე მიმართულებით მუშაობს. ბატონი პრემიერი დაესწრება ეკონომიკურ ფორუმს, რომელსაც ჩვენი მხარდაჭერა აქვს, რათა განვითარდეს პარტნიორობა და ინვესტიციები საქართველოში. ამისთვის თქვენი ქვეყანა კარგ პირობებს ქმნის, თუმცა უკანასკნელ წლებში გარკვეული არასტაბილურობის შთაბეჭდილება იქმნებოდა ოსეთისა და აფხაზეთის პრობლემების გამო. შეგვიძლია ვთქვათ, რომ საქართველოს დღევანდელი მთავრობა ნათლად ასრულებს ყველანაირ საკანონმდებლო ჩარჩო პირობებს და ეს ხელს შეუწყობს მომავალ თანამშრომლობას. ძალიან მნიშვნელოვანია, რომ საქართველო, როგორც კარგი საინვესტიციო პარტნიორი გახდეს უფრო ცნობილი", განაცხადა გერმანიის კანცლერმა.