საპარლამენტო უმრავლესობის ერთ-ერთი წევრი თინა ხიდაშელი მისი თანაგუნდელის დეპუტატ გია ვოლსკის განცხადებას ეხმაურება და აცხადებს, რომ მას თენგიზ კიტოვანის კარგ საქმეებზე არაფერი სმენია.

„ვოლსკის კომენტარი პირადად არ მომისმენია, თუმცა ჩემი პოზიცია ასეთია - შეიძლება, კიტოვანმა ოდესმე კარგი ნახატი დახატა, ამის იქით მე მის კარგ საქმეებზე არაფერი მსმენია. ყველამ ვნახეთ მის მიერ „დახატული“ რუსთაველის გამზირი. მან დიდი ხანი უნდა იცხოვროს, ბევრმა თაობამ უნდა გაიცნოს იმისთვის, რომ გაიგოს ყველამ, როგორი არ უნდა იყოს თანამდებობის პირი და როგორ არ უნდა მოექცეს ის საკუთარ ქვეყანას“,- განაცხადა დეპუტატმა.