დმანისში წინასაარჩევნოდ შექმნის ვითარებას გაეცნო და ყოფილ კანდიდატებს ადგილზე გაესაუბრა ცესკო-ს თავჯდომარე.

თამარ ჟვანიას თქმით, ზეწოლის ფაქტებზე საარჩევნო ადმინისტრაცია მოკვლევას განაგრძობს.

მისივე ინფორმაციით, არ არის გამორიცხლი დმანისში გაუქმდეს „ნაციონალური მოძრაობის“ და „ნინო ბურჯანაძე- ერთიანი ოპოზიციის“ პროპორციული სიები.

„ორი საარჩევნო სუბიექტი, რომლის პროპორციული სიების მოხსნის საშიშროება არსებობს, გახლავთ „ნაციონალური მოძრაობა“ და „ნინო ბურჯანაძე - ერთიანი ოპოზიცია“. ჩვენ შეგხვდა „ნინო ბურჯანაძე - ერთიანი ოპოზიციის“ ორი ყოფილი კანდიდატი, რომელმაც დაგვიდასტურა რომ მათზე ზეწოლა არ ყოფილა. ჩვენ სხვა კანდიდატებთან საუბარი ვერ შევძელით, რადგან ისინი შეხვედრაზე არ მოვიდნენ. იმედია ამ კანდიდატებთან მიზეზების გარკვევა მოხდება“, - განაცხადა თამარ ჟვანიამ