აფხაზეთის დე-ფაქტო ხელისუფლების პრეზიდენტი ალექსანდრე ანქვაბი აფხაზეთში მიმდინარე მოვლენებს დამღუპველს უწოდებს. ამის შესახებ ანქავბის მიერ გავრცელებულ მიმართვაშია ნათქვამი.

"მოგმართავთ თქვენ იმ მოვლენებთან დაკავშირებით, რომლებიც აფხაზეთის სახელმწიფოს ბედისთვისთვის, შესაძლოა, დამღუპველი იყოს. 27 მაისს ოპოზიციამ გამართა მიტინგი, რომლის შედეგად პრეზიდენტის, მთავრობისა და სახელმწიფო ტელევიზიის შენობების ძალისმიერი დაკავება მოხდა. ხელისუფლებამ სცადა, მოლაპარაკებები ეწარმოებინა ოპოზიციასთან, რომელსაც საკოორდინაციო საბჭო ხელმძღვანელობს, მაგრამ ამან კომპრომოსულ გადაწყვეტილებამდე ვერ მიგვიყვანა. მე და ჩემს კოლეგებს გვესმის, რომ შეთანხმების მიღწევის ამოცანა მათ არ ჰქონიათ. მათ ამის სრულიად საწინააღმდეგო მითითება ჰქონდათ. ალექსანდრე ანქვაბისთვისთვის თანამდებობა, მათ შორის პრეზიდენტის, არ წარმოადგენს უმაღლეს ღირებულებას. მე არ შემეძლო მოვქეულიყავი ისე, როგორც ოპონენტები. პირველივე დღეებიდან თქვენ ხედავთ, რა აინტერესებს ოპოზიციას – კაბინეტების დაკავება, მაგრამ ეს აისბერგის მხოლოდ ხილული ნაწილია. არანაირ რეფორმებზე საუბარი არ არის. მათი ინტერესების მადა ყოველდღიურად გაიზრდება. და ამ მადის უკან იმალება გაცილებით მეტი - საფრთხე აფხაზეთის სახელმწიფოებრიობისთვის. ხელისუფლებისთვის ბრძოლაში ადვილია დაკარგო ჩვენთვის ყველაზე წმინდა, სასიცოცხლო სივრცე - აფხაზეთი შესაძლოა აღარ იყოს", - ნათქვამია მიმართვაში.