ნატოს საპარლამენტო ასამბლეა ალიანსის ქვეყნებს მოუწოდეს, შესრულდეს 2008 წლის ბუქარესტის სამიტის გადაწყვეტილება იმასთან დაკავშირებით, რომ საქართველო გახდება ნატო-ს წევრი და საქართველოს ნატო-სთან დაახლოებისთვის მიენიჭოს ალიანსში გაწევრიანების სამოქმედო გეგმა (MAP). ამის შესახებ 30 მაისს ნატოს საპარლამენტო ასამბელის მიერ მიღებულ დეკლარაციაშია საუბარი.

როგორც ნატო-ს საპარლამენტო ასამბლეის ალიანსის გაფართოების შესახებ მიღებულ დეკლარაციაშია აღნიშნული, ასამბლეა მოუწოდებს ნატო-ს ქვეყნების მთავრობებსა და პარლამენტს, კვლავაც დაადასტურონ ღია კარის პოლიტიკისა და იმ ქვეყნების ევროატლანტიკური პერსპექტივებისადმი ძლიერი პოლიტიკური ვალდებულება, რომლებიც ნატო-ს წევრობისკენ ისწრაფვიან.

დეკლარაციაში ასევე ხაზგასმულია, რომ ნატო-ს გაფართოება არ წარმოადგენს საფრთხეს რომელიმე ქვეყნისთვის, არამედ აძლიერებს ევროატლანტიკური რეგიონის უსაფრთხოებსა და სტაბილურობას.