ცენტრალური საარჩევნო კომისიის თავჯდომარის თამარ ჟვანიას 2013 წელს პრემიის სახით 35 280 ლარი აქვს მიღებული. ინფორმაციას თავისუფლების განვითარების ინდტიტუტი (IDFI) აქვეყნებს. ჟვანიას სექტემბერში აღებული აქვს 10 080 ლარის ოდენობის პრემია, ოქტომბერში 15 120 ლარი, ხოლო ნოემბერში -10 080 ლარი.

რაც შეეხება ცესკო-ს ყოფილ თავჯდომარეს ზურაბ ხარატიშვილს, პრემიის სახით 2013 წელს მიღებული აქვს 25 800 ლარი.

IDFI-ის 2013 წელს ცესკოს თავმჯდომარეს (ზურაბ ხარატიშვილი 8 თვე, თამარ ჟვანია 4 თვე), მის მოადგილეს და ცესკოს მდივანს პრემიისა და სახელფასო დანამატის სახით მიღებული აქვთ 265 272 ლარი.

ცსკ-ის თავმჯდომარის მოადგილემ დავით კირთაძემ გასული წლის განმავლობაში პრემია რვაჯერ აიღო, მთლიანობაში 55 168 ლარის ოდენობით.