„საქართველო, უკრაინა და მოლდოვა ევროკავშირის წევრები უნდა გახდნენ“, - ამის შესახებ ევროკომისარმა გაფართოებისა და სამეზობლო პოლიტიკის საკითხებში შტეფან ფულემ განაცხადა. როგორ გერმანულ გამოცემა Die Welt-თან ინტერვიუში საუბრისას ფულემ აღნიშნა, ევროკავშირის წევრობის პერსპექტივა აღმოსავლეთ ევროპის ამ ქვეყნებისთვის შესაძლოა, საუკეთესო სტიმულად იქცეს რეფორმების გატარების კუთხით.

"ევროკავშირის გაფართოება მძლავრი ინსტრუმენტია აღმოსავლეთ ევროპის ამ ქვეყნების ტრანსფორმაციისთვის. ევროინტეგრაციის პერსპექტივა საუკეთესო სტიმულია აღმოსავლეთ ევროპის ქვეყნებში რეფორმების გატარებისთვის", - აღნიშნა შტეფან ფულემ.

მისი თქმით, თუ ევროკავშირი სერიოზულად ისწრაფვის აღმოსავლეთ ევროპაში ტრანსფორმაციისკენ, უნდა გამოიყენოს ძლიერი ინსტრუმენტი, რომელიც ხელს შეუწყობს გაფართოებას.