ოკუპირებული აფხაზეთის დე ფაქტო პრეზიდენტი ალექსანდრე ანქვაბი ე.წ. პარლამენტის მიერ დე ფაქტო პრემიერ-მინისტრისთვის უნდობლობის გამოცხადებას არ ეთანხმება. ამის შესახებ ანქვაბმა „ინტერფაქსთან“ საუბარში განაცხადა. მისი თქმით, ის ასევე წინააღმდეგია მისი ნებაყოფლობითი გადადგომის.

"რაც შეეხება პრემიერ-მინისტრისთვის უნდობლობის ვოტუმის გამოცხადებას, კანონმდებლობის მიხედვით, ეს გადაწყვეტილება პრეზიდენტის კომპეტენციაა. მე არ ვუშვებ პრემიერს. ჩემი ნებაყოფლობითი გადადგომის შესახებ წინადადებას არ ვუპასუხებ, სანამ არ გავივლი კონსულტაციებს დეპუტატების სხვა, გაცილებით დიდ ჯგუფთან, რომელიც პარლამენტის სხდომაში არ მონაწილეობდა, ასევე ამომრჩეველებთან, საზოგადოებრივ და პოლიტიკურ ორგანიზაციებთან, რომლებიც მთელი ეს დღეეებია, კანონიერ ხელისუფლებას უჭერენ მხარს", - განაცხადა ალექსანდრე ანქვაბმა.

აფხაზეთის დე ფაქტო პარლამენტის სხდომაზე გუშინ ე.წ. პრემიერ-მინისტრ ლეონიდ ლაკერბაიას უნდობლობა გამოუცხადეს. ასევე დე ფაქტო პრეზიდენტ ალექსანდრ ანქვაბს მიმართეს, საკუთარი ნებით დათმოს პრეზიდენტობა და გადადგეს.