თბილისის მერობის კანდიდატ ნიკა მელიასა და გასულ წელს რესტორან „ლატრუფეში“ მომხდარი ინციდენტის კიდევ ერთ მონაწილეს – ბესო გაზდელიანს მანჩო გიორგობიანი „გაქრობით“ ემუქრება.

გიორგობიანი საქმის დროულად გამოძიება მოითხოვს და აცხადებს, რომ გაჭიანურების შემთხვევაში მელიასა და გაზდელიანს პირადად გაუსწორდება.

„ერთი წელიწადი ვეძებ გაზდელიანს და ვერსად ვიპოვე. აუცილებლად შევიტან პოლიციაში განცხადებას და საქმის თავიდან გამოძიებას მოვითხოვ. მერე ნუ გაგიკვირდებათ ჩემი საქციელი: როგორც კი გადამეწურება იმედი, რომ ამ სახელმწიფოში მე ვინმე დამიცავს, მერე მოიკითხეთ, სად გაქრებიან მელია და გაზდელიანი! ვინმეს თუ ჰგონია, რომ ციხეში ჩაჯდომა შემეშინდება, ძალიან ცდება. თუ ვიქნები დაუცველი, აუცილებლად ჩავიდენ დანაშაულს!“– აღნიშნა გიორგობიანმა.