დავით რაზმაძე: ნადირაშვილს ცილისწამებისთვის პასუხს ვაგებინებ

პოლიტიკა - 15:40, 29 May, 2014

2968

საპარლამენტო უმცირესობის წევრის, ირმა ნადირაშვილის გორში გამართულ ბრიფინგს მუნიციპალიტეტის საკრებულოს თავმჯდომარე დავით რაზმაძე ეხმაურება.

იგი ნადირაშვილს უღირს პარლამენტარს უწოდებს და ამბობს, რომ ცილისწამებისთვის სასამართლოში უჩივლებს.

"მე მოვძებნი კვალიფიციურ იურისტს, ადვოკატს და ცილისწამებისთვის პასუხს ვაგებინებ ნამდვილად უღირს პარლამენტარს. მე ყოველთვის ეჭვი შემქონდა მაგ ქალის განცხადებებში, ცილისწამების გარდა არაფერი იყო ვგრძნობდი მაგრამ, ახლა საკუთარ თავზე ყველაზე მეტად ვიცი, რომელ კორუფციულ გარიგებაში ვარ მე შესული. ამ ქალმა ერთხელ და სამუდამოდ პასუხი უნდა აგოს ცილისწამებისთვის და ყველა იმ "ნაციონალმა", რომლებსაც თვითონ აქვთ ეს საშინელებები ჩადენილი. "ოცნების" პრობლემა რა არის იცით? მართლა ლიბერალური პოლიტიკა აირჩიეს წინა ხელისუფლებასთან დაკავშირებით, საშინელი კრიმინალი არ ჰქონდათ ჩადენილი. ეს ინფორმაციები ვისი მიწოდებულიც არის ირმა ნადირაშვილზე აი, ზუსტად ისინი არიან კორუფციულ გარიგებაში და რეები აქვთ ნაკეთები, უბრალოდ დოკუმენტი, რომ ამოიღო და ჩახედო პირდაპირ ჩანს, მაგრამ სანამ მე მაგათ ,,საქმენი-საგმირონის" შესწავლას დავიწყებ და გადავცემ შესაბამის ორგანოებს მანამდე, ჩემს სიმართლეს დავამტკიცებ ", -ამბობს დავით რაზმაძე.

საპარლამენტო უმცირესობის წევრი ირმა ნადირაშვილი დღეს გორში არსებულ კორუფციულ გარიგებებზე საუბრობს, მან ბრიფინგი გორში წმინდაწყლის დასახლებაში ახალი ბაზრის მიმდებარე ტერიტორიაზე გამართა. ნადირაშვილმა გორის საკრებულო და ადგილობრივი ხელისუფლება კორუფციაში დაადანაშაულა

გიორგი ახალკაცი "ნიუპოსტი" გორი