რატომ იწერდა ფარულად ბედუკაძე გაუპატიურებულ მოწმეებს და ჩხარტიშვილთან შეხვედრას ?

პოლიტიკა - 14:00, 29 May, 2014

1985

ჟურნალისტი ელისო კილაძე ლადო ბედუკაძის მიერ ფარულად ჩაწერილ მასალებს ასაჯაროებს.

ელისო კილაძის თქმით, იმ ფაქტის შემდეგ, რაც გაზეთმა "ქრონიკა+ "- მა პრემიერის სიმამრის თამაზ თამაზაშვილის შესახებ პუბლიკაციების გამოქვეყნება დაიწყო, თამაზაშვილის დავალებით ლადო ბედუკაძემ, ქრონიკა + "-ის წინააღმდეგ მიზანმიმართული კამპანია დაიწყო.

"ლადო ბედუკაძეს ეტყობა დაავიწყდა, რომ მთელი მისი ვიდეო და აუდიო შემოქმედება ჩემს ლეპტოპში ინახება ... იქ არის ვიდეოები გლდანის ციხიდან. " - განაცხადა ელისო კილაძემ "პირველი რადიოს" რადიოკლუბში.

ჟურნალისტის მიერ წარმოდგენილ მასალაში ლადო ბედუკაძეს ჩაწერილი აქვს მისი და ვანო ჩხარტიშვილის შეხვედრის აუდიო ვერსია.

"ჩხარტიშვილი გარკვეულ ფინანსურ დახმარებას უწევდა თურქეთში მის ოჯახს. ჩამოსვლის შემდეგ, ჩხარტიშვილმა ის მიიწვია ოფისში, სადაც ბედუკაძე მივიდა დიქტოფონით და ჩხარტიშვილთან პირადი საუბარი უკანონოდ ჩაიწერა", - ამბობს კილაძე.

ბედუკაძემ იმ სასამართლო პროცესების აუდიო ვერსია ჩაიწერა, სადაც ციხის სკანდალური კადრების შემდეგ დახურული სასამართლო სხდომები მიმდინარეობდა. კილაძის თქმით, ბედუკაძემ ეს სხდომა ფარულად ჩაიწერა.

"მას ჩაწერილი ჰყავს გაუპატიურებული მოწმეები ... ეს არის სისხლისსამართლის დანაშაული... "- აცხადებს ჟურნალისტი.

ელისო კილაძე აღნიშნული მასალების პროკურატურისთვის გადაცემას ხვალისთვის გეგმავს.