პარლამენტის თავმჯდომარე დავით უსუფაშვილი დარწმუნებულია, რომ პრემიერის გერმანიაში ვიზიტის შემდეგ, ირაკლი ღარიბაშვილს და ანგელა მერკერს შორის უფრო მეგობრული ურთიერთობა ჩამოყალიბდება.

მისი თქმით, გერმანიას აღმოსავლეთ პარტნიორობის ქვეყნებთან განსაკუთრებული ურთიერთობის ჩამოყალიბება სურს.

“გერმანიას სურს განსაკუთრებული ურთიერთობის ჩამოყალიბება, ერთი მხრივ, ასოცირების თაობაზე გაკეთებული ჩვენი ნაბიჯების ფონზე და მეორე მხრივ, იმ აგრესიის ფონზე, რაც რუსეთის გამო შეიქმნა რეგიონში. გერმანიის ფაქტორი ევროკავშირსა და ნატო-ში ძალიან სერიოზულია და ამ ვიზიტის შემდეგ დარწმუნებული ვარ, რომ პრემიერ-მინისტრებსა და კანცლერს შორის უფრო ახლო და მეგობრული სათანამშრომლო ურთიერთობა ჩამოყალიბდება”, - განაცხადა დავით უსუფაშვილმა.

პრემიერ-მინისტრი ირაკლი ღარიბაშვილი ოფიციალური ვიზიტით გერმანიაში იმყოფება. ვიზიტის ფარგლებში ირაკლი ღარიბაშვილი უკვე შეხვდა გერმანიის კანცლერს ანგელა მერკელს.