საქართველოს პარლამენტის ადამიანის უფლებათა დაცვის კომიტეტის თავმჯდომარე ეკა ბესელია მთავარ პროკურორს მიმართავს და ასოციაცია „მომავლის იმედის“ ხელმძღვანელის განცხადებაზე დროულ რეაგირებას ითხოვს:

“კომიტეტმა დეტალურად შეისწავლა განცხადება და თანდართული დოკუმენტები, რომელთა საფუძველზე ირკვევა, რომ ბავშვის ჩასახვა ხდებოდა დონორთა უჯრედების გამოყენებით. თამარ ხაჭაპურიძის განმარტებით, სუროგატი დედები „ჯანმრთელობის დაცვის შესახებ“ საქართველოს კანონის 143-ე მუხლის დარღვევით, იძულების წესით რეგისტრირდებოდნენ კანონიერ დედებად, ხოლო მამებად ასახელებდნენ იმ უცხოელს, რომელსაც ბავშვი საქართველოდან უნდა გაეყვანა. განმცხადებლის ცნობით, მითითებულ ფაქტზე 2014 წლის 13 თებერვალს, ქალაქ თბილისის პროკურატურაში აღიძრა საქმე სისხლის სამართლის კოდექსის 344/1-ე მუხლის მე-2 ნაწილით გათვალისწინებული დანაშაულისთვის, თუმცა საქმეში არსებული არაერთი უტყუარი მტკიცებულების მიუხედავად, გამოძიება უსაფუძვლოდ ჭიანურდება”, - ნათქვამია პარლამენტის ვებ-გვერდზე გამოქვეყნებულ განცხადებაში.