„აფხაზეთში მიმდინარე მოვლენებეთან დაკავშირებით საქართველოს ხელისუფლება უმოქმედოდაა და არ აქვს პროაქტიული პოლიტიკა“, - ამის შესახებ „ნაციონალური მოძრაობის“ პოლიტსაბჭოს წევრმა გიგა ბოკერიამ განაცხადა.

მისი თქმით, აფხაზეთში მიმდინარე პროცესები მინდობილი აქვთ ნინო ბურჯანაძის აქტივისტს და ვახტანგ ყოლბაიას.

„ჩვენ ვხედავთ სრულ უმოქმედობას ჩვენი ხელისუფლების მხრიდან. ჩვენ ვერ ვხედავთ პრაქტიკულ პოლიტიკას, ვერ ვხედავთ მცდელობას, რომ ყველა საერთაშორისო, ყველა დიპლომატიური არხი გამოყენებული იყოს ამ პრომლემისთვის ყურადღების მისაპყრობად, რუსეთის როლის გამოსააშკარავებლად. ეს პროცესი მინდობილი აქვს ბატონ ყოლბაიას, ბურჯანაძის პარტიის აქტივისტს, რომელმაც ცოტა ხნის წინ მოგვახსენა, რომ შეიძლება, იქ გამგებელი შეიცვალოს და ამით ამოწურა პოტენციური საფრთხეები. ეს არის სრული უნიათობის კიდევ ერთი მაგალითი“, – აცხადებს ბოკერია.