„ტაბულას“ რედაქტორი თამარ ჩერგოლეიშვილი „ახალგაზრდა ადვოკატების“ მისამართით გაკეთებული განცხადების უარყოფას არ აპირებს.

როგორც „ნიუპოსტთან“ საუბრისას ჩერგოლეიშვილმა განაცხადა, ის „ახალგაზრდა ადვოკატებს“ დღესაც ბიძინა ივანიშვილის აქტივისტებად მიიჩნევს.

მისი განმარტებით, ორგანიზაციის მიერ შეტანილი საჩივარი სასაცილოა, რადგან კანონმდებლობით „შეფასებითი მსჯელობა არ ისჯება“.

„მე მათ დღესაც „ქართული ოცნების“ აქტივისტებად მივიჩნევ. მე მაქვს ფოტოები, სადაც „ახალგაზრდა ადვოკატების“ დამფუძვნებლები ბიძინა ივანიშვილის გვერდით დგანან. ასევე, მათი საქმიანობის ზედაპირული ანალიზი საკმარისია იმისთვის, რომ ასეთებად მივიჩიო. ისინი თავს ესხმიან ყველას, ვინც ირაკლი ღარიბაშვილს და ბიძინა ივანიშვილს თვალში არ მოსდის. თუმცა მთავარი ეს არ არის, მთავარი არის ის, რომ ამ ადამიანებს სამართლის ცოდნასთან ახლოს არ ჩაუვლიათ. ეს არის ჩემი შეფასებითი მსჯელობა და შეფასებითი მსჯელობისთვის საქართველოს კანონომდებლობით სამართლებრივ პასუხს ვერავინ მომთხოვს. ვფიქრობ, რომ ისინი არიან ბიძინა ივანიშვილის პოლიტიკური აქტივი. ძალიან კომიკურია საჩივრის შინაარსი და საფუძველი, მას სამართლის ცოდნასთან საერთო არაფერი აქვს. თუმცა არაუშავს გავერთობი“, - განაცხადა ჩერგოლეიშვილმა.

ორგანიზაცია „ახალგაზრდა ადვოკატებმა“, თბილისის საქალაქო სასამართლოში, „ტაბულას“ რედაქტორის თამარ ჩერგოლეიშვილის მიმართ, სარჩელი შეიტანეს. ორგანიზაციის წევრები ჩერგოლეიშვილისგან მათი მისამართით გაკეთებული განცხადებების საჯაროდ უარტოფას მოითხოვენ.