უკრაინის ახალ პრეზიდენტის მრჩევლებს შორის საქართველოს ეკონომიკის ყოფილი მინისტრი კახა ბენდუქიძე იქნება.

ინფორმაციას თავად კახა ბენდუქიძე ადასტურებს. მისი თქმით, ის მრჩეველთა ხუთკაციანი საბჭოს ერთ-ერთ წევრი იქნება.

„ხუთკაციანი საბჭო თვეში ერთხელ შეიკრიბება და მნიშვნელოვან საკითხებზე მიიღებს გადაწყვეტილებას უკრაინისთვის და უკრაინის ეკონომიკისთვის. დღეს უკრაინაში ეკონომიკური პრობლემები მოზღვავებულია. ეს წინა წლების არაკეთების შედეგია. მე ყველა ქართველს მოუწოდებს რომ რაც შეიძლება მეტი გავაკეთოთ უკრაინისთვის“, - განაცხადა კახა ბენდუქიძემ.

კახა ბენდუქიძემ უკვე მიიღო მონაწილეობა მრჩეველთა ხუთკაციანი საბჭოს პირველ შეხვედრაში. რაც შეეხება მიხეილ სააკაშვილის და გრიგოლ ქათამაძის შესაძლო მრჩევლობას, კახა ბენდუქიძეს ამის შესახებ ინფორმაცია არ აქვს.

ხუთკაციან მრჩეველთა საბჭოს შემადგენლობაში კახა ბენდუქიძესთან ერთად იქნებიან ორი კანადელი და ორი ამერიკელი მრჩეველი.