პრემიერი გერმანიაში სამუშაო ვიზიტით გაემგზავრება

პოლიტიკა - 09:22, 28 May, 2014

1403

საქართველოს პრემიერ-მინისტრი ირაკლი ღარიბაშვილი 28-29 მაისს ევროპული საბჭოს პრეზიდენტ ჰერმან ვან რომპუის მიწვევით, გერმანიის ფედერაციულ რესპულიკაში სამუშაო ვიზიტით მიემგზავრება.
გერმანიაში ვიზიტის პირველივე დღეს, ბერლინში, საქართველოს პრემიერ-მინისტრს გერმანიის ფედერაციული რესპუბლიკის კანცლერი ანგელა მერკელი სამუშაო ვახშამზე უმასპინძლებს.
შეხვედრის შემდეგ საქართველოს პრემიერ-მინისტრი ირაკლი ღარიბაშვილი, გერმანიის ფედერაციული რესპუბლიკის კანცლერი ანგელა მერკელი, უკრაინის პრემიერ-მინისტრი არსენი იაცენუკი და მოლდოვას პრემიერ-მინისტრი იური ლეანკა მედიისთვის ერთობლივ განცხადებას გააკეთებენ.
29 მაისს საქართველოს პრემიერ-მინისტრი სხვა მაღალი რანგის სტუმრებთან ერთად აახენის მერიის სახელით მიღებას დაესწრება.
2014 წლის აახენის კარლს პრაისის დაჯილდოების ცერემონიაზე კი საქართველოს პრემიერ-მინისტრი უკრაინელ და მოლდოველ კოლეგებთან ერთად, ასევე ევროპის საბჭოს პრეზიდენტთან ერთად სიტყვით გამოვა. ცერემონიაზე კარლოს დიდის სახელობის საპატიო ჯილდო, ევროპის კონსოლიდაციისა და ევროკავშირის გაძლიერებაში შეტანილი წვლილისათვის, ჰერმან ვან რომპეის გადაეცემა.
ირაკლი ღარიბაშვილი ანგელა მერკელს უახლოეს დღეებში მეორედაც შეხვდება. 1-2 ივნისს დაგეგმილია საქართველოს პრემირ-მინისტრის ოფიციალური ვიზიტი გერმანიაში, რომლის ფარგლებშიც გერმანიის ფედერაციის კანცლერთან პირისპირ შეხვედრა გაიმართება.