ექსპერტი გია ნოდია უკრაინის პრეზიდენტის მრჩევლებად საქართველოს ყოფილი ხელისუფლების წარმომადგენელთა შესაძლო დანიშვნასთან დაკავშირებით საქართველოს ხელისუფლების კომენტარებს ,,ფეისბუქის“ გვერდზე ეხმაურება:

,,ახალი მთავრობის ისტერიკა იმის გამო, რომ უკრაინელებს უნდათ წინა მთავრობის წევრები კონსულტანტებად, ძალიან სამარცხვინოა. გასაგებია, რომ არ გსიამოვნებს შენი ოპონენტების საერთაშორისო აღიარება, მაგრამ ობიექტურად ეს შენი ქვეყნის აღიარებაა, ასე რომ ღირსების გრძნობა შეინარჩუნე და გაჩუმდი მაინც.

ეს რეაქციები მოწმობს არა მხოლოდ არაკომპეტენტურობას დიპლომატიურ საკითხებში, არამედ არასრულფასოვნების კომლექსს: „ქოცები“ გრძნობენ „ნაციონალების“ ინტელექტუალურ უპირატესობას და ამის გამო ეშინიათ მათი („ვაიმე ისევ ესენი არ დაბრუნდნენ“). ცოტა ძნელად წარმოუდგენიათ, რომ ამ მთავრობის მინისტრები ვინმე სადმე მიიწვიოს მრჩევლად. ეს კომპლექსი რომ არა, გაუგებარი იქნებოდა მათი რეაქცია“, - წერს გია ნოდია.