„უკრაინაში ხელისუფლების მრჩევლებად ექს–პრეზიდენტი მიხეილ სააკაშვილი, ეკონომიკის ყოფილი მინისტრი კახა ბენდუქიძე და საპარლამენტო უმცირესობის წევრი გიორგი ვაშაძე განიხილებიან“, - ამის შესახებ საპარლამენტო უმცირესობის წევრმა თინათინ ბოკუჩავამ განაცხადა.

მისი თქმით, მიხეილ სააკაშვილი უკრაინის პრეზიდენტის მრჩევლის თანამდებობაზე განიხილება. თუმცა დეპუტატისთვის უცნობია ვაშაძის და ბენდუქიძის სამუშაო მიმართულებები.

„ჩვენ პირველივე დღიდან ვდგავართ უკრაინის ევროპული არჩევანის გვერდით მაშინ, როდესაც ამ მთავრობის წევრები, კონკრეტულად კი კახა კალაძე აცხადებდა, რომ რევოლუცია გრუშევსკის ქუჩას არ სცდებოდა. ჩვენ გავაგრძელებთ თანამშრომლობას და დარწმუნებული ვარ, უკრაინა იქნება წარმატებული“ , – განაცხადა ბოკუჩავამ.