დათო მასურაშვილის დედა შვილის გარდაცვალების ახალ დეტალებზე საუბრობს

პოლიტიკა - 17:32, 26 May, 2014

2192

26 მაისს გარდაცვლილი პოლიციელის დათო მასურაშვილის დედა გაზეთ „პრაიმტაიმთან“ ინტერვიუში შვილის გარდაცვალების ახალ დეტალებზე საუბრობს.

როგორც მასურაშვილის დედა აცხადებს, მისი შვილი დიდი სისწრაფით მიმავალმა შავმა ჯიპმა გაიტანა, რომელშიც ანზორ და ბადრი ბიწაძეები ისხდნენ.

„ახლა ყველაფერი პირველი წყაროდან შევიტყვე. დაახლოებით ორი თვეა, ყველაფერი დაზუსტებულად ვიცი. წარმოდგინეთ, ესკორტის რამდენიმე მანქანამ გაიარა დიდი სისწრაფით. მისი დაბნელებული კადრები მიიტანეს ექსპერტიზაზე, რომელმაც დაასკვნა, რომ ამ ესკორტს ადამიანისათვის არ გადაუვლია… თუმცა მცირე პერიოდის შემდეგ გიჟური სისწრაფით მოდის ცალკე მანქანა, შავი ჯიპი, რომელშიც ანზორი და ბადრი ბიწაძეები ისხდნენ. სწორედ ეს მანქანა დაეჯახა ჩემს შვილს, რომრლსაც გზაზე მოქალაქე გადაჰყავდა გახსოვთ კადრები, რესპუბლიკური საავადმყოფოს ეზოში პოლიციელებმა ანზორ ბიწაძე რომ აიყვანეს? ნინო ბურჯანაძე თუ გახსოვთ, შვილს კრუხივით რომ გადაეფარა? იცი რატომ წაიყვანეს? დათო მასურაშვილის გარდაცვალების გამო. მერე მოხდა ალბათ მოლაპარაკება და ბურჯანაძის ქმარიც და შვილიც საქართველოს გაეცალნენ. ვვარაუდობ, რომ გარიგება მოხდა პოლიტიკური სიტუაციიდან გამომდინარე. ბურჯანაძე თვლის, რომ მე დამაშანტაჟეს, შემაშინეს, მეტიც თურმე ქრთამიც მომცეს. ჩემი ხუთი შვილის სიცოცხლეს გეფიცებით, ერთადერთი ვინც მე დამაშანტაჟა, ნინო ბურჯანაძეა“, – აცხადებს ანა აზნაურაშვილი.