საქართველოს იუსტიციის მინისტრი თეა წულუკიანი საქართველოს დამოუკიდებლობის დღისადმი მიძღვნილ ღონისძიებებს, რუსთაველის გამზირზე დაესწრო. წულუკიანმა იმ აქციებზე ისაუბრა, რაც იუსტიციის სამინისტრომ 26 მაისს მიუძღვნა:

„ჩვენ დღეს ძალიან ბევრი საქმე გავაკეთეთ, მაგალითად პრემიერმა და პრეზიდენტმა ერთად მოაწერეს ხელი დამოუკიდებლობის აქტს, ასევე თავდაცვის მინისტრმა, რა თქმა უნდა ეს აქტი სიმბოლურია, მაგრამ 26 მაისი ყოველ წელს არის დიდი დღესასწაული, აგრეთვე პრემიერმა და მისმა მეუღლემ აიღეს უფასოდ ახალი ქორწინების მოწმობა, რაც დღეს ყველა მოქალაქეს შეუძლია აიღოს უფასოდ აქ. პრეზიდენტმა აიღო ჩვენს პავილიონში ელექტრონული პირადობის მოწმობა, რომელიც საამაყოა ყველა მოქალაქისათვის, მე შევიცვალე რეგისტრაციის მისამართი იმისათვის, რომ პირველ ივნისს, როდესაც გადაეცემა საარჩევნო სია ქალბატონ ჟვანიას, მე ვიყო რეგისტრირებული სოფელ დიღომში, სადაც 15 ივნისს მივცემ ხმას“, - განაცხადა თეა წულუკიანმა.