საქართველოში უკრაინის ელჩი ვასილ ციბენკო ინფორმაციას გამოეხმაურა, რომლის მიხედვითაც უკრაინის ახლად არჩეული პრეზიდენტის პეტრე პოროშენკოს მრჩეველთა შორის საქართველოს მოქალაქეები იქნებიან.

„გასაკვირი არ იქნება, თუ პოროშენკო მიიწვევს სპეციალისტებს საქართველოდან, მაგალითად კახა ბენდუქიძეს. მე ასეთ ინფორმაციას არ ვფლობ, თუმცაღა არავისთვის საიდუმლო არ არის, რომ ჩვენ ბოლო წლების განმავლობაში აქტიურად ვსწავლობთ საქართველოს გამოცდილებას. მე, როგორც ელჩმა, ამას დიდი ძალისხმევა და დრო მოვანდომე. ეს გამოცდილება ჩვენთვის ფასეულია, ეკონომიკური რეფორმების განხორციელების თვალსაზრისით და სხვა ამოცანების გადაწყვეტის კუთხითაც, მათ შორის, რომელიც ტერიტორიების დროებით ოკუპაციას უკავშირდება. არაფერი გასაკვირი ამაში არ იქნება, თუ ბატონო პოროშენკო მიიწვევს სპეციალისტებს საქართველოდან. მე ბევრ მათგან ვიცნობ, ბევრთან მქონდა ურთიერთობა. მაგალითად ბატონი კახა ბენდუქიძე – ის დიდი რეფორმატორი, პროფესიონალი და უბრალოდ შესანიშნავი ადამიანი",- განაცხადა ციბენკომ.

ელჩის თქმით, მას არ შეუძლია უპასუხოს კითხვას, იქნება თუ პოროშენკოს მრჩეველი მიხეილ სააკაშვილი.

"ალბათ, ეს გახდება ცნობილი ახლად არჩეული პრეზიდენტის ინაუგურაციისა და პირველი დოკუმენტების ხელმოწერის შემდეგ. ჩვენ დროში არაფრის გამორიცხვა არ შეიძლება, ყველაფერი შესაძლებელია",- აღნიშნა ელჩმა.