თავდაცვის მინისტრის მეუღლე ნათია ფანჯიკიძე ირაკლი ალასანიას განცხადებას, საჰაერო თავდაცვითი სისტემების მოთხოვნასთან დაკავშირებით, ,,ფეიბუქის“ გვერდზე ეხმაურება:

„ჩემს ბიჭს ომი არ უნდა, ცა უყვარს და ჰაერი, თვალი ცისკენ უჭირავს და ფრენა უნდა. სულ ესაა. გუშინ ბალეტზე ვაგვიანებთთქო დავურეკე და "არ მინდა ბალეტი, ფრენა მინდაო!!!" -ასე მიპასუხა ვედრებით. ვედრება შესმენილი არ იქნა, ცხადია. უი, ახლა მივხვდი ჩვენი ერთობის საიდუმლოს - მეც ჰაერის ნიშანი ვარ, მართალია ფრენა არ მიყვარს, მაგრამ ზმნის ფუძესთან კონფლიქტში მაინც არ ვარ. ფრენა, აფრენა, გაფრენა... - დაუბერა ნიავივით ქართულმა სიტყვამ. მიყვარს მშობლიური ენა. ირაკლის განცხადება მათთვის, ვინც საჰაერო თავდაცვის მოთხოვნის გამო დამშვიდებას საჭიროებს“, – წერს ნათია ფანჯიკიძე.