საქართველოში მედიკამენტების საგრძნობ გაძვირებასა და საყოველთაო ჯანდაცვაში არსებულ პრობლემებზე ისაუბრა ,,ნაციონალური მოძრაობის" ერთ-ერთმა ლიდერმა ზურაბ ჭიაბერაშვილმა.

ჯანდაცვის ყოფილი მინისტრი, უწყების ხელმძღვანელებს მოუწოდებს, გაითვალისწინონ ის კონკრეტული შეთავაზებები, რომლითაც საყოველთაო ჯანდაცვის პროგრამა მოქალაქეთა მოთხოვნებს უპასუხებს.

"საქართველოს სტატისტიკის სამმართველოს, დამოუკიდებელი ექსპერტებისა და აგრეთვე ჟურნალისტური გამოძიების შედეგად დადასტურდა ის, რასაც ჩვენ განვლილი დღეების განმავლობაში ვამტკიცებდით და რასაც კატეგორიულად უარყოფდა ჯანდაცვის სამინისტრო. საქართველოში წამლები გაძვირებულია და ეს ძალიან კარგად იცის ყველა იმ ოჯახმა, რომელსაც თვეში რამდენიმე ათეული და ზოგჯერ რამდენიმე ასეული ლარის მედიკამენტი სჭირდება. ამიტომ, მნიშვნელოვანია, რომ ჯანდაცვის სამინისტრომ ყურადღიღოს ჩვენი კონკრეტული შეტავაზებები იმასთან დაკავშირებით თუ როგორ უნდა გადაეწყოს საყოველთაო ჯანდაცვის პროგრამა ისე, რომ მან ჩვენი მოქალაქეების მოთხოვნებს უპასუხოს“, - განაცხადა ზურაბ ჭიაბრეაშვილმა.

მისივე თქმით, პრობლემა არსებობს არა მხოლოდ მედიკამენტების ფასებთან მიმართებაში, არამედ საყოველთაო ჯანდაცვის პროგრამაში, რომელიც, ჭიაბერაშვილის განმარტებით, საზოგადოებისთვის ცნობილი არ არის.

,,ჩვენ მუდმივად მივაქცევთ საზოგადოების ყურადღებას საიმისოდ, რომ თითოეულმა მოქალაქემ სახელმწიფოსგან მიიღოს ის, რასაც დღევანდელი თავრობა და ქართული ოცნება წინასაარჩევნოდ ჰპირდებოდა. სამწუხაროდ დღესაც ძალიან ბევრი ადამიანია, რომელიც ან მთლიანად ვერ სარგებლობს საყოველთაო ჯანდაცვის პროგრამით, ან ძალიან ბევრი ელემენტია, როდესაც ადამიანებს თვისი ჯიბიდან უწევთ ფულის გადახდა. სამწუხაროდ, ჟურნალისტურმა გამოძიებამ, ექსპერტებმა და სტატისტიკის სამმართველომ დაადასტურა მედიკამენტებზე ფასების მომატების ფაქტი", - აღნიშნა ჭიაბერაშვილმა.