ნორმად იქცა, როდესაც გეუბნებიან, რომ 2007 წელს ნოემბერში დარბევაში ვირებდი მონაწილეობა, მაშინ როცა ვიყავი სტუდენტი და არ ვიყავი საქართველოში, - ამის შესახებ ,,ნაციონალური მოძრაობის“ მერობის კანდიდატმა ნიკა მელიამ გადაცემა ,,რეაქციაში“ განაცხადა.

ნიკა მელიამ ყოფილი ხელისუფლების შეცდომებასაც გაუსვა ხაზი და აღნიშნა, რომ იყო დრო, როცა ის ნაციონალური მოძრაობის წინააღმდეგ მიმართულ აქციებშიც იღებდა მონაწილეობას, მათ შორის 2008 წელს იპოდრომზე.

„მე ვრძნობ პასუხისმგებლობას, ისევე როგორც ვგრძნობდი პასუხისმგებლობას, როგორც რიგითი მოქალაქე. იყო შეცდომები და გადაცდომები, მათ შორის დანაშაულებრივი შეცდომებიც, ტრაგდია ნამდვილად არ არის ის, რომ წინა ხელისუფლებამ დაკარგა მმართველობა, ტრაგედია არის ის, რომ ქვეყანას ჰყავს ახალი ხელისუფლება, რომელიც ქვეყანას ვერ წაიყვანს წინ.

მე ვფიქრობ მარცხმა რეალურად მოიტანა პოზიტივი, მეტი პოზიტივის მომტანი იქნებოდა, ეს ხელისუფლება რომ ყოფილიყო ქმედითი. ეს იყო ხელისუფლებას, ძალიან ბევრი რამე გაკეთდა, დღეს ფაქტია, რომ 2012 წელს ბევრად უკეთესი ქვეყანა გადააბარა, ვიდრე ჩაიბარა. არასაკმარისი კონტროლის მექანიზმი იყო განსაკუთრებით ძალოვან სტრუქტურებზე, მე მქონდა გარკვეული პრეტენზიები წინა ხელისუფლების მიმართ, მიმიღია მონაწილეობა ანტისამთავრობო აქციაშც, თუნდაც 2008 წელს იპოდრომზე.

როდესაც აკეთებ ანალიზს და პროპორცია არის რამდენი სიკეთე შეიქმნა და რამდენი შეცდომა დაუშვეს, გაცილებით მეტი სიკეთე შეიქმნა. მე ვიბრძვი უკეთესი ხვალინდელი დღისთვის და დარწმუნებული ვარ იმ ყველაფერ კარგს მე დავამატებ კიდევ უფრო მეტ სასიკეთოს“, - განაცხადა მერობის კანდიდატმა.

ნიკა მელიას თქმით, მას აქციების დარბევას და ზონდერობას აბრალიან, მაშინ როცა იმ წლებში ის საქართველოშიც არ იმყოფებოდა.

,,რა არ დამაბრალეს მას შემდეგ რაც გავხდი კანდიდატი, ის, რომ ვიყავი ზონდერი, ვარბევდი აქციებს, უკანასკნელი ორი თვის განმავლობაში ნორმად იქცა, როდესაც გეუბნებიან, რომ 2007 წელს ნოემბერში დარბევაში ვირებდი მონაწილეობა, მაშინ როცა ვიყავი სტუდენტი და არ ვიყავი საქართველოში“, - განაცხადა ნიკა მელიამ.