პარტია „ერთიანი ნაციონალური მოძრაობის“ ერთ-ერთი ლიდერი დავით ბაქრაძე მიიჩნევს, რომ ქვეყანა ერთ ადგილას დგას და უკან-უკან მიდის.

ამის შესახებ დავით ბაქრაძემ ტელეკომპანია "იმედის" ეთერში გადაცემა "რეაქციაში" განაცხადა, სადაც პირდაპირ ეთერში პარტიის პრეზენტაცია მიმდინარეობს.

„არ შეიძლება პოლიტიკურ ბრძოლაში შეხვიდე დამარცხებისთვის, ამ ბრძოლაში ჩვენ შევდივართ გამარჯვებისთვის. ჩვენ დროს არ ცხოვრობდა მოსახლეობა კარგად იმიტომ, რომ ბევრი პრობლემა გადასაწყვეტი იყო, მაგრამ ყოველდღიურად ცხოვრობდა უკეთესად. ჩვენ შევძელით ის, რომ ყოველწლიურად საქართველო ხდებოდა უკეთესი.

მართლა ძალიან ბევრი იყო გასაკეთებელი, რასაც ვხედავ ბოლო წლების მანძილზე, ქვეყანა დგას ერთ ადგილზე და თუ ვიქნებით ობიექტურები ქვეყანა მიდის უკან. ჩვენ არ დავპირდებით ადამიანებს, რომ ხვალ და ზეგ იქნება იდეალური ქვეყანა, დავპირებდით ნამდვილად, რომ გაჩნდება გაჩერებულობის და უიმედობის განცდა“, - განაცხადა დავით ბაქრაძემ.