რატომ თქვა გიგი უგულავამ არჩევნებში მონაწილეობაზე უარი

პოლიტიკა - 22:55, 23 May, 2014

1689

პარტია “ერთიანი ნაციონალური მოძრაობის” თბილისის რაიონული ორგანიზაციის ხელმძღვანელი გიგი უგულავა განმატავს, თუ რატომ თქვა არჩევნებში მონაწილეობაზე უარი.

უგულავა დარწმუნებულია რომ ადგილობრივი თვითმმართველობის არჩევნებში ნიკა მელია გაიმარჯვებს.

„მე არ ვიყარე კენჭი იმიტომ, რომ მწამს ახალი თაობა უნდა მოვიდეს, მე არ ვიყრი კენჭს არც საკრებულოში, იმიტომ რომ დარწმუნებული ვარ, მეორე ტურში ნიკა მელია გაიმარჯვებს“,- აღნიშნა გიგი უგულავამ.

ამის შესახებ უგულავამ ტელეკომპანია "იმედის" ეთერში გადაცემა "რეაქციაში" სტუმრობისას განაცხადა.

„რაც შეეხება საკონსტიტუციოს გადაწყვეტილებას, ახალმა პარლამენტმა „ადგილობრივი თვითმმართველობის შესახებ“ კანონი მიიღო, ამ კანონში შავი ხვრელივით იყო დატოვებული, რომ მთავრობას შეუძლია პარტიზანული მეთოდებით ქალაქის მერი ჩამოაცილოს თანამდებობას, ეს კანონი ამის საშუალებას აღარ მისცემს. არჩევნებიდან არჩევნებამდე უნდა იყოს გაუმჯობესება. ადამიანებს ეცოდინებათ, რომ მათი არჩევანი ფეხქვეშ არ იქნება გათელილი“,- აღნიშნა უგულავამ.

მისივე განცხადებით, მისი გადაწყვეტილება იმასთან დაკავშირებით, რომ თბილისის საკრებულოში კენჭს არ იყრის, აიხსნება, იმით, რომ არჩეულ მერს სრულფასოვანი გუნდი სჭირდება იმისთვის, რომ მან შეძლოს დაპირებების შესრულება.

„მე ღრმად მწამს, რომ ნიკა მელია გაიმარჯვებს და იქნება დამოუკდიებელი მერი. დღევანდელ საქართველოში ერთადერთი მთავარი ოპოზიციური ძალა არის „ნაციონალური მოძრაობა“, მისი კანდიდატი ნიკა მელია ფართო სპექტრს დაარწმუნებს, რომ მისი არჩევა არის სწორი არჩევანი და ამიტომ, მე უარი ვთქვი მონაწილეობაზე, იმიტომ, რომ ყოველგვარი პარტიული ზეწოლა გამოირიცხოს“, - განაცხადა გიგი უგულავამ.