ბესელია: ჩემთან 18 ათასი განცხადებაა შემოსული, პროკურატურაში ორჯერ მეტი

პოლიტიკა - 22:31, 23 May, 2014

1723

პარლამენტის ადამიანის უფლებათა დაცვის კომიტეტის თავმჯდომარე ეკა ბესელია მიიჩნევს, რომ ქვეყანაში თუ ბიზნესი ტერორის ქვეშაა, ეკონომიკა ვერ გაიმართება.

"ბიზნესზე როდესაც ვსაუბრობთ, ყველაზე მნიშვნელოვანი არის ის თუ რა პირობებში უხდება ბიზნესს ცხოვრება და მუშაობა, ცეზარ ჩოჩელი არავის არ დაუტერორებია, ეს მაგალითი არ გამოგადგებათ. შემიძლია მოგიყვანოთ ასობით მაგალითი და ისტორია, სადაც კონკრეტული თანამდებობის პირები როგორ ატყავებდნენ ბიზნესმენებს. არ ვსაუბრობ იმ ათეულ ათასობით ლარით ქონებაზე, რომლის გადაფორმებაც ხდებოდა.

არ ვლაპარაკობ ერთ ადამიანზე, რომელიც იუსტიციის სამინისტროში იჯდა და მინისტრი ერქვა, მისი მოქმედებების შედეგად დღეს ბიზნესმენები ითხოვენ, რომ უკანონოდ ჩამორთმეული ბიზნესი დაიბრუნონს“,- განაცხადა ეკა ბესელიამ.

ამის შესახებ დეპუტატმა ტელეკომპანია "იმედის" ეთერში გადაცემა "რეაქციაში" სტუმრობისას განაცხადა.

მისივე განცხადებით, მის კომიტეტში 18 ათას განცხადებაზე მეტია შესული, პროკურატურაში კი 2-ჯერ მეტი.

"ბიზნესი თუ გაქვს ტერორის ქვეშ, ვერასოდეს ქვეყნის ეკონომიკა ვერ გაიმართებოდა. ჩემთან 18 ათასი განცხადებაა შემოსული და პროკურატურაში ორჯერ მეტი, მართლა შოკში იყო ქვეყანა, ვინმე თუ გადაურჩა იმ ტერორს და უბედურებას. ჩვენ პირველი რაც შევძელით, შეიქმნა თავისუფალი სივრცე, სადაც ადამიანის ტერორი აღარ ხდება. ჩვენ არ ვართ კმაყოფილები და ვერ ვიქნებით კმაყოფლები, ვიდრე ჩვენი მოსახლეობის ნახევარზე მეტი ითხოვს, რომ სოციალურ დახმარება სჭირდება“, - განაცხადა ეკა ბესელიამ.